showcase demo picture

میرے مہمان

ُ
میرے مہمان
6-پارٹ
تاہم آج کل کونیم کو دماغی کاموں میں الجھن محسوس ہو رہی ہے۔بتدریج کمزوری غالب آتی جا رہی ہے۔ انہوں نے سلام کا جواب بھی بہت آہستگی سے دیا۔
شدتِ جذبات کی گرمی سے عاری رہسٹاکس توقع کرتا ہے کہ دوسرے اس سے اظہارِ محبت کریں اور خود اسے نہ کرنا پڑے(جارج وتھالکس)۔موسم کا حال جاننے کے لئے انہیں ٹی وی دیکھنے کی ضرورت نہیں۔موسمی حالات کی خبر رکھنے والا بیرومیٹر ان کے دماغ میں فٹ ہوتا ہے۔ تقریب میں آئے برائٹا کارب سے کسی نے پوچھا، میاں شادی کب کرو گے؟ جب ابا جی کرا دیں، بڑی شانِ بے نیازی سے جواب دیا۔ جوانی ہاتھ سے نکلتے جا رہی ہے اور شادی کی پروا ہ ہی نہیں۔ہر بات میں ڈھیلے، ہر کام میں ڈھیلے۔ مٹی کے مادھو۔کم ہمت،فیشن میں سب سے پیچھے۔
مسٹر ایسیکولاس مزمن قبض میں مبتلا ہیں اس کے ساتھ بواسیر اور کمر درد ان کا امتیازی نشان ہے۔ ان کے لئے کرسی پر تشریف رکھنا مشکل ہو رہاتھا۔ بار بار پہلو بدل رہے تھے۔ان کو مقعد میں تیلیاں چبھ رہی تھیں۔صبح سو کر اٹھے تو ان کی طبعیت خراب تھی۔سلفر کی مانند جاگنے کے کچھ دیر بعد تک ان کا دماغ کنفیوز رہتا ہے۔ ادھر کینتھرس کا یہ عالم تھا کہ بار بار واش روم کا رخ کرتی۔ معلوم ہوا کہ بے چاری اکثر U.T.I. کا شکار رہتی ہے۔کتوں سے اسے اتنا پیار کہ تقریب میں بھی ساتھ رکھے ہوئے تھے۔
تقریب میں بسمتھ بھی آئی ہوئی تھی لیکن لوگوں سے اس کا میل ملاپ کم ہی دیکھا گیا۔اسے اپنی ماں کے علاوہ کسی اور کی کمپنی اچھی ہی نہیں لگتی۔ابھی تک اپنے آئیڈل کی تلاش میں ہے۔خوابوں کی دنیا نے اسے شاعر بنا دیا ہے۔سفلس خاندان کے فلورک ایسڈ کو اپنی پسند کی رفیقہ حیات نہیں ملی اس لئے بہت اپ سیٹ تھا۔ اپنا زیادہ وقت باہر کی دنیا میں گذارتا۔لائیکو کی مانند جزوقتی دوستی کا قائل ہے۔ سیپیا اور اورم میٹ محفل میں موجود ہونے کے باوجود بھی الگ الگ سے تھے۔اداس اور خاموش۔انہیں لوگوں نے بہت کم ہنستے ہوئے دیکھا۔دونوں نہ ہم کسی کے نہ ہمارا کوئی کی تصویر بنے بیٹھے تھے۔ سیپیا نے سگریٹ سلگایا لیکن اسے ہچکی شروع ہو گئی۔ گلے میں جیسے ڈاٹ پھنس گئی ہو۔ فاسفورس اور پلسٹیلا کو سر درد شروع ہو گئی اور دونوں باہر کھلی فضا میں نکل گئے، کھلی فضا میں ان کے سر درد کو سکون آ گیا۔ دونوں کو اس وقت بلغمی کھانسی ہے شام تک خشک کھانسی میں تبدیل ہو جائے گی۔بعد میں نیٹرم میور،پلسٹیلا اور کلکیریا سلف کو مل بیٹھنے کا موقع ملا تو دونوں نے اپنے گھر والوں کے خلاف خوب دل کی بھڑاس نکالی۔ دونوں کو گِلہ ہے کہ گھر والے دوسرے بہن بھائیوں کو ان پر ترجیع دیتے ہیں۔
مسٹرنکس اور وریٹرم دونوں کو اکثر نیند کے دوران نکسیر آ جاتی ہے۔ اس وقت ان کی گفتگوکا زیادہ تر حصہ میزبان کے انتظامی امور پر تنقید پر مشتمل تھا۔ مثلاً انہیں کسی بڑے ہوٹل میں پروگرام منعقد کرنا چاہیے تھا۔میزیں بہت قریب قریب جوڑ دی گئی ہیں۔ اس ہوٹل کا سارا سٹاف بالکل نکما ہے۔ انہیں کھانا وقت پر شروع کرنا چاہیے تھا۔باتھ روم بہت دور بنائے گئے ہیں۔مسٹر وریٹرم ابھی تو بڑی دانشمندانہ گفتگو کررہے تھے تاہم اکثر ان کے دماغ کے سکریو ڈھیلے رہتے ہیں۔ تھوجا نے یہاں بھی ان کی ہاں میں ہاں ملانا مناسب سمجھا حالانکہ کچھ دیر پہلے ہی لائیکو اور تھوجا میزبان کے پاس بیٹھے سارے انتظامی امور کی تعریف کر رہے تھے۔یہ لوگ دائیں بازو کو بھی خوش رکھتے ہیں اور بائیں کو بھی ناراض نہیں کرتے۔
منافقت کا نصاب پڑھ کے محبتوں کی کتاب لکھنا
بڑا کٹھن ہے خزاں کے ماتھے پہ داستانِ گلاب لکھنا

Posted in: Urdu
Return to Previous Page

Leave a Reply

Your email address will not be published.

Theme Features

Welcome to the Zen Theme which is best used for personal blogging. Here is a list of some of the special features you will be able to take advantage of when customizing your website and blog:
  • Theme Control panel
  • Customize colours, layout, buttons, and more
  • Dynamic widgets with varied widths
  • Up to 8 Widget Positions
  • Built-in Social Networking
  • Google Fonts for Headings and site title
  • and a lot more...

Relax With Herbal Teas

When enjoying your moment of zen, it's best to enjoy fresh herbal teas for relaxation. Of course, choosing the right zen teas requires the expertise of asian herbalists.

Recent Posts

Check out the recent articles posted here at Zen and keep up to date with the latest news and information about having a zen lifestyle.